ڕێسای ڕێکخستنی تایبەتمەندیەتی

ئەم ڕێسایەی ڕێکخستنی تایبەتمەندیەتی دیاری دەکات چۆن (KRDPass)، ئەپی فەرمی بۆ پێناسی دیجیتاڵی کە لەلایەن حکومەتی هەرێمی کوردستانەوە بۆ هاووڵاتییان گەشەی پێدراوە، داتا کەسییەکانت کۆ دەکاتەوە و بەکاریان دەهێنێت و دەیانپارێزێت و هاوبەشییان پێدەکات. ئەم ئەپە بە مەبەستی بەردەستخستنی خزمەتگوزارییەکانی حکومەت و پشتڕاستکردنەوەی پێناسی دیجیتاڵی بۆ هاووڵاتییان بە شێوەیەکی پارێزراو گەشەی پێدراوە.

١. ئەم زانیارییانەی کۆیان دەکەینەوە

داتاکانی زیندەپێوی (بایۆمەتری):

• داتاکانی سێڕەهەندیی ڕوخسار کە لە کاتی پشکنینی ڕاستەوخۆ بۆ بەکارخستنی ئەپەکە و تۆمارکردنی بەکارهێنەر وەرگیراون
• وێنەکانی ڕوخسار کە بۆ پشتڕاستکردنەوە و گەڕاندنەوەی شوناس گیراون

زانیارییەکانی ئامێر:

• وەشانی سیستەمی کارپێکردن
• ناو و پێناسی ئامێر

داتاکانی بەکارهێنانی ئەپ:

• هەڵبژاردنی زمان
• کات و ڕێکەوتی دەستپێگەیشتن
• کارلێککردن لەگەڵ تایبەتمەندییە دیاریکراوەکان (وەک کاراکردنی زیندەپێوەرەکان، ئاگادارکردنەوەکان، دۆخی بەکارخستنی ئەپەکە و تۆمارکردنی بەکارهێنەر)

دەستگەیشتن بە ڕاگە‌یەنە‌کان:

• دەستگەیشتنی ئارەزوومەندانە بە پێشانگەی ڕاگەیەنەکان ئەگەر بەکارهێنەر بیەوێت پێناسە دیجیتاڵییەکەی لە وێنەوە سکان بکات

٢. چۆن داتاکانت بەکار دەهێنین

پشتڕاستکردنەوەی شوناس و تۆمارکردنی بەکارهێنەر:

• بۆ ڕاستاندن و پشتڕاستکردنەوەی شوناسەکەت بە بەکارهێنانی پێناسی دیجیتاڵی و پشکنینی ڕاستەوخۆ
• بۆ بەرهەمهێنانی جووتە کلیلەکانی نهێننووسی و دروستکردنی پەیوەندییەکی پارێزراو بۆ شوناس لەگەڵ ڕاژەکارەکانی حکومەتی هەرێمی کوردستان

ڕاستاندن و پارێزگاریکردن:

• بۆ دەرکردن و ڕاستاندنی پسوولەی پشتڕاستکردنەوە (tokens)ی پارێزراو بە بەکارهێنانی کلیلی تایبەت کە لەڕێگەی ئامێرەکانەوە بەرهەم هێنراون
• بۆ پاراستنی دەستگەیشتن بە خزمەتگوزارییەکان لەڕێگەی ژمارەی ناسینەوەی کەسی (PIN) یان پشتڕاستکردنەوەی زیندەپێوی

پشتیوانیکردنی بەکارهێنەر:

• ڕەنگە بەکاتی پێداچوونەوە بۆ داتاکانی ڕوخسار بکرێت تا سوودیان لێ وەربگیرێت بۆ پرسی تۆمارکردنی بەکارهێنەر یان گەڕاندنەوەی شوناس

وردبینی و پابەندبوون:

• وەک بەشێک لە پێداویستییەکانمان بۆ وردبینی و ڕێکاری، تۆمارەکانی پارێزگاریکردن هەڵدەگیرێن و پێداچوونەوەیان بۆ دەکرێت
• لێکۆڵینەوە لە هەوڵەکانی دەستپێگەیشتنی ڕێگەپێنەدراو دەکرێت و بەکارهێنەرە تووشبووەکان و دەسەڵاتە پەیوەندیدارەکانی لێ ئاگادار دەکرێنەوە

٣. چارەسەرکردن و هەڵگرتنی داتاکانی ڕوخسار

• داتاکانی ڕوخسار تەنها لە کاتی پڕۆسەکانی تۆمارکردنی بەکارهێنەر یان گەڕاندنەوەی شوناس بەکار دێن
• لە داتاسەنتەری فەرمانگەی تەکنەلۆجیای زانیاریی حکومەتی هەرێمی کوردستان بەنهێنیکراوی هەڵدەگیرێن
• دەستپێگەیشتن تەنها بۆ کەسانی ڕێگەپێدراوە لەژێر ڕێکاری توندی وردبینی
• داتاکانی ڕوخسار بۆ هەمیشە دەسڕێنەوە دوای شەش مانگ لە تەواوبوونی پڕۆسەکانی پشتڕاستکردنەوەی ڕاستەوخۆ یان گەڕاندنەوەی شوناس بەسەرکەوتوویی

٤. هاوبەشیکردنی داتاکان

بەکارهێنانی نێوخۆیی لەلایەن حكومەت:

• ڕەنگە داتاکانت بەردەست بکرێن بۆ دامودەزگا ڕێگەپێدراوەکانی حکومەت بە مەبەستی پشتڕاستکردنەوە یان پێشکەشکردنی خزمەتگوزاری

لایەنە دەرەکییەکان:

• ئێمە هاوبەشی بە داتاکانی زیندەپێوی یان کەسیت ناکەین لەگەڵ هیچ لایەنەکی دەرەکی مەگەر پێویست بێت بەپێی یاسا یاخود بەویستی ڕاشکاوی خۆت

٥. ڕێکار و مافەکانی بەکارهێنەر

• دەتوانیت زمانی خوازراوت هەڵبژێریت لە کاتی دەستپێکردنی ئەپەکە
• لە ڕێکخستنەکاندا دەتوانیت تۆمارکردنی بەکارهێنەر لە داهاتوو ناکارا بکەیت بۆ باشتر پارێزگاریکردن لە ئاسایشی هەژمارەکەت
• دەتوانیت هەر کاتێک پشتڕاستکردنەوەی زیندەپێوی و ئاگادارکردنەوەکان کارا یان ناکارا بکەیت
• دەتوانیت هەندێک داتا (بۆ نموونە: ناوی ئامێر) ڕاستەوخۆ لە ناو ئەپەکەدا ببینیت و دەستکارییان بکەیت

٦. هەنگاوەکانی پارێزگاریکردن

• گشت پەیوەندییەکانی نێوان ئەپەکە و ڕاژەکارەکان بەنهێنی کراون
• کلیلە تایبەتەکان، کە لەڕێگەی ژمارەی ناسینەوەی کەسیت (PIN) بەنهێنی کراون، لەسەر ئامێرەکەت دەمێننەوە
• داتاکانی ڕوخسار و زانیارییە هەستیارەکانی دیکە لە ئاستێکی بەرزی پارێزراویدا هەڵدەگیرێن لە ژێرخانی فەرمانگەی تەکنەلۆجیای زانیاری
• تەنها کەسانی ڕێگەپێدراو دەتوانن دەستیان بە داتا هەستیارەکانی بەکارهێنەر بگات

٧. ڕێسای هەڵگرتنی داتا

• هەڵگرتن و مانەوی داتای کەسی تا ئەو کاتەیە کە پێویست بێت بۆ پێشکەشکردنی خزمەتگوزارییەکان یان بۆ جێبەجێکردنی پابەندییە یاسیییەکان
• داتاکانی زیندەپێوی (داتاکانی ڕوخسار) دوای شەش مانگ لە تۆمارکردن و پشتڕاستکردنەوەی سەرکەوتووانەی بەکارهێنەر دەسڕێنەوە

٨. هەڵوێست لە کاتی ڕووداوەکان

• دەستبەجێ لێکۆڵینەوە دەکرێت لە هەر هەوڵێکی دەستپێگەیشتنی ڕێگەپێنەدراو یان لە کاتی گومانکردن لە هەبوونی جۆرێک لە جۆرەکانی فریودان و ساختەکاری
• بەکارهێنەرە تووشبووەکان و دامودەزگا پەیوەندیدارەکانی حکومەت یەکسەر ئاگادار دەکرێنەوە بەپێی ڕێکار و ڕێنماییە کارپێکراوەکان

٩. پەیوەندی

لە کاتی هەبوونی پرسیار یان سەرنج سەبارەت بە ڕێساکانی ڕێکخستنی تایبەتمەندیەتی یان داتاکانت تکایە پەیوەندیمان پێوە بکە لەڕێگەی:
reports@dit.gov.krd

بە بەکارهێنانی ئەپی (KRDPass) دووپاتی دەکەیتەوە کەوا مەرجەکانی ئەم ڕێسایەی ڕێکخستنی تایبەتمندیەتیت خوێندووەتەوە و لێیان تێگەیشتوویت و پەسندیان دەکەیت.